Kasra media,
Jalan Palembayan-Bukittinggi nan runtuah di Tanah Taban nagari Baringin sabulan nan lalu sampai kini alun juo elok. Oto lai dapek lalu tapi payah dek badan jalan lanyah.
Kecek sopir bus banamo Edi Sabtu(10/12) kapatang, kalau hari paneh oto lai lalu ka sinan tapi kalau hujan tapaso baputa ka simpang patai palupuah kok indak ka lubuak basung. Kok ongkoih iyo ditambah dek parjalanan jauah.
Jalan nan runtuh tu lah 2 kali dicaliak bupati Agam Indra Catri. Tigo hari sasudah runtuah baliau ka sinan, tu bajanji ka masyarakat bahaso saminggu jalan tu elok, tapi nyatonyo janji tingga janji, sampai kini alun juo elok lai, masyarakat lah tarangah manangguangkan.
Wali nagari Ampek Koto Palimbayan Rony Akmal mengatokan, PU supayo bakarajo kareh mampaeloki jalan supayo capek salasai. Salamoko menuruik kecek-kecek masyarakat urang PU tu baele-ele mangarjokan jalan, cah karajo cah baranti.
Tapi kecek ur4ang Pu pulo, hari acok hujan sahinggo payah mangarajokan jalan tu apo lai tanahnyo gaca(km)
Tidak ada komentar:
Posting Komentar